الحق حق ان يتبع

السلام عليكم ورحمة الله وبركاته . انا فى موضوع مهم عاوز اتكلم فيه وياريت اقدر اوصله بالشكل الى انا فاهمه وحاسه.انا عاوز اتكلم عن حاجات كتيراوى غلط بنعملها والمشكله بقا دلوقتى الى عاوز اتكلم عليها هى مش اقتراف الاخطاء احنا لو مغلطناش مش هنبقا بشر بس المشكله ان فى ناس مش حاسه انها بتعمل حاجه غلط ودى مصيبه وفى مصيبه تانيه ان الناس بيغلطو بس بعد ما بيغلطوا مبيبقوش متضايقين ولا زعلانين ولا حاسين بتأنيب ضمير لانهم غلطو ودى المصيبه الكبرى لان كل بنى ادم خطاء ولكن خير الخطاؤن التوابون يعنى دلوقتى تلاقى ناس بتتعصب وتنرفز وتتخانق وتشتم اهو ده غلط ماشى كان عليه ضغوط فغلط الغلطه دى ماشى لكن الى مش ماشى انك متعتذرش وانك متحسش بتانيب الضمير وانك متحاولش تتلافى الخطاء دى بعد كده انا بدأت احس ان الناس مبقتش تحب نفسها بمعنى ان محدش بقا عاوز يبقا كويس ولما الواحد بيبقا مش عاوز يبقا كويس ده بياثر برضه على الناس الى حواليه الى بيبقوا عاوزين يبقو كويسين مهو المرء على دين خليله انا عاوز اوصل لفكرة ان المفروض نحاسب نفسنا . علشان نعمل كده يبقا لازم الى مش عارف الصح من الغلط يعرف يعنى الى حقود وحسود مثلا لازم يعرف ان ده مش صح علشان ميعملوش والى بيتعامل بهمجيه لازم يعرف ان ده مش صح علشان ميعملوش ولازم يعرف ان ده ليه ابعاد بتوقعه هو فى مشاكل يعنى على سبيل المثال الراجل الى بيتجوز عرفى مصيبه كبيره ان فى ناس كتير مش حاسين ان ده حرام وفاكرين ان ده بديل للزنا مع ان ده زنا بعينه وبعد ما يعملو المصيبه يقولو يلهوى على المصايب الى حصلت والكوارث الى نتجت عن العلاقه الغير شرعيه دى يا جماعه مهو انت ممكن تيجى تقرا ألأيه 32فى سورة ألاسراء (ولا تقربوا الزنا انه كان فاحشة وساء سبيلا) لا احنا بنيجى نقول يلهوى ده فى عيل ابوه مش عاوز يعترف بيه بلهوى ده الزنا بيجيب امراض مهو ربنا قال وساء سبيلا .انا مش عاوز اطول بس كنت عاوز اوى اتكلم فى الموضوع ده لانها باقت ظاهره فعلا ان الناس مبقتش عاوزه تبقا كويسه

اقرأ هذا الدعاء ولو مره فى العمر

قيل أن جبريل علية السلام أتى النبي صلى الله علية وسلم فقال :- يا محمد ، السلام يقرئك السلام ، و يخصك بالتحية و الإكرام ، و قد أوهبك هذا الدعاء الشريف يا محمد ، ما من عبد يدعو وتكون خطاياه و ذنوبه مثل أ مواج البحار ، و عدد أوراق الأشجار ، و قطر الأمطار و بوزن السموات و الأرض ، إلا غفر الله تعالى ذلك كله له . يا محمد ، هذا الدعاء مكتوب حول العرش ، و مكتوب على حيطان الجنة و أبوابها ، وجميع ما فيها .. أنا يا محمد أنزل بالوحي ببركة هذا الدعاء و أصعد به ، و بهذا الدعاء تفتح أبواب الجنة يوم القيامة ، و ما من ملك مقرب إلا تقرب إلى ربه ببركته . ومن قرأ هذا الدعاء أمن من عذاب القبر ، ومن الطعن والطاعون وينتصر ببركته على أعدائه يا محمد ، من قرأ هذا الدعاء تكون يدك في يده يوم القيامة ومن قرأ هذا الدعاء يكون وجهه كالقمر ليلة البدر عند تمامها ، و الخلق في عرسات القيامة ينظرون إلية كأنه نبي من الأنبياء . يا محمد ، من صام يوما واحد وقرأ هذا الدعاء ليلة الجمعة أو يوم الجمعة أو في أي وقت كان ، أقوم على قبره ومعي براق من نور – علية سرج من ياقوت أحمر ، فتقول الملائكة : يا إله السموات والأرض ، من هذا العبد- فيجيبهم النداء ، يا ملائكتي هذا عبد من عبيدي قرأ الدعاء في عمرة مرة واحدة . ثم ينادي المنادي من قبل الله تعالى أن اصرفوه إلى جوار إبراهيم الخليل علية السلام وجوار محمد صلى الله عليه وسلم يا محمد ، ما من عبد قرأ هذا الدعاء إلا غفرت ذنوبه ولو كانت عدد نجوم السماء ومثل الرمل والحصى ، و قطر الأمطار ، و ورق الأشجار ، و وزن الجبال و عدد ريش الطيور ، وعدد الخلائق الأحياء و الأموات ، و عدد الوحوش و الدواب ، يغفر الله تعالى ذلك كله ، ولو صارت البحار مدادا و الأشجار أقلاما والإنس والجن والملائكة ، و خلق الأولين و الآخرين يكتبون لي يوم القيامة لفي المداد وتكسر الأقلام ولا يقدرون على حصر ثواب هذا الدعاء. وقال عمر بن الخطاب رضي الله تعالى عنه ، بهذا الدعاء ظهر الإسلام والإيمان . وقال عثمان بن عفان رضي الله تعالى عنه ، نسيت القرآن مرارا كثيرة فرزقني الله حفظ القرآن ببركة هذا الدعاء. وقال سيدنا أبو بكر الصديق رضي الله تعالى عنه . كلما أردت أن أنظر الى النبي صلى الله عليه وسلم في المنام ، أقرأ هذا الدعاء . وقال سيدنا على بن أبي طالب كرم الله وجهه ورضي عنه ، كلما أشرع في الجهاد . أقرأ هذا الدعاء وكان تعالى ينصرني على الكفار ببركة هذا الدعاء . و من قرأ هذا الدعاء وكان مريضا ، شفاه الله تعالى- أو كان فقيرا ، أغناه الله تعالى ومن قرأ هذا الدعاء وكان به هم أو غم زال عنه ، وإن كان عليه دين خلص منه ، وإن كان في سجن وأكثر من قرائته خلصه الله تعالى ويكون آمنا شر الشيطان ، وجور السلطان قال سيدنا رسول الله صلى الله عليه وسلم : قال لي جبريل : يا محمد ، من قرأ هذا الدعاء بإخلاص قلب ونية على جبل لزال من موضعه أو على قبر لا يعذب الله تعالى ذلك الميت في قبره ولو كانت ذنوبه بالغة ما بلغت ، لأن فيه أسم الله الأعظم. وكل من تعلم هذا الدعاء وعلمه لمؤمنين يكون له أجر عظيم عند الله وتكون روحة مع أرواح الشهداء ، ولا يموت حتى يرى ما أعده الله تعالى له من النعيم المقيم . فلازم قراءة هذا الدعاء في سائر الأوقات تجد خيرا كثيرا مستمرا إن شاء الله تعالى. فنسأل الله تعالى الإعانة على قراءته ، وأن يوفقنا والمسلمين لطاعته ، إنه على ما شاء قدير وبعباده خبير والحمد لله رب العالمين والصلاة والسلام على أشرف الخلق أجمعين سيدنا محمد وعلى آله وصحبه والتابعين إلى يوم الدين . *_ الدعاء _* بسم الله الرحمن الرحيم والصلاة والسلام على سيدنا محمد وعلى اله وصحبه وسلم لا إله إلا الله الملك الحق المبين، لا إله إلا الله العدل اليقين، لا إله إلا الله ربنا ورب آبائنا الأولين، سبحانك إني كنت من الظالمين، لا إله إلا الله وحده لا شريك له، له الملك و الحمد يحي ويميت وهو حي لا يموت بيده الخير وإلية المصير،وهو على كل شيء قدير. لا إله إلا الله إقرارا بربو بيتة، سبحان الله خضوعا لعظمته، اللهم يا نور السموات و الأرض ، يا عماد السموات الأرض ، يا جبار، السموات والأرض ، يا ديان السموات والأرض، يا وارث السموات والأرض، يا مالك السموات والأرض ، يا عظيم السموات والأرض ، يا عالم السموات والأرض ، يا قيوم السموات والأرض ، يا رحمن الدنيا ورحيم الآخرة . اللهم إني أسألك ، أن لك الحمد ، لا إله إلا أنت الحنان المنان ، بديع السموات و الأرض ، ذو الجلال و الإكرام ، برحمتك يا أرحم الراحمين . بسم الله أصبحنا و أمسينا أشهد أن لا إله إلا الله و أن محمد رسول الله ، وأن الجنة حق ، والنار حق ، وأن الساعة آتية لا ريب فيها ، و أن الله يبعث من في القبور . الحمد لله الذي لا يرجى إلا فضله ، ولا رازق غيره. الله أكبر ليس كمثله شيء في الأرض و لا في السماء وهو السميع البصير. اللهم إني أسألك في صلاتي ودعائي . بركة تطهر بها قلبي، وتكشف بها كربي ، وتغفر بها ذنبي ، وتصلح بها أمري ، وتغني بها فقري ، وتذهب بها شري ، وتكشف بها همي وغمي، وتشفي بها سقمي ، وتقضي بها ديني، وتجلو بها حزني ، وتجمع بها شملي ، وتبيض بها وجهي. يا أرحم الراحمين اللهم إليك مددت يدي، وفيما عندك عظمت رغبتي. فأقبل توبتي، وأرحم ضعف قوتي، وأغفر خطيئتي، وأقبل معذرتي، وأجعل لي من كل خير نصيبا ، والى كل خير سبيلا برحمتك يا أرحم الراحمين . اللهم لا هادى لمن أضللت ، ولا معطى لما منعت ، ولا مانع لما أعطيت، ولا باسط لما قبضت ، ولا مقدم لما أخرت ، ولا مؤخر لما قدمت . اللهم أنت الحليم فلا تعجل ، وأنت الجواد فلا تبخل ، وأنت العزيز فلا تذل ، وأنت المنيع فلا ترام ، وأنت المجير فلا تضام ، و أنت على كل شيء قدير. اللهم لا تحرم سعة رحمتك ، وسبوغ نعمتك ، وشمول عافيتك ، وجزيل عطائك ، و لا تمنع عنى مواهبك لسوء ما عندي ، ولا جازني بقبيح عملي، ولا تصرف وجهك الكريم عنى برحمتك يا أرحم الراحمين . اللهم لا تحرمني وأنا أدعوك ... ولا تخيبني و أنا أرجوك . اللهم إني أسألك يا فارج الهم ، و يا كاشف الغم ، يا مجيب دعوة المضطرين ، يا رحمن الدنيا ، يا رحيم الآخرة ، أرحمني برحمتك . ا للهم لك أسلمت، وبك آمنت، وعليك توكلت ، وبك خاصمت وإليك حاكمت ، فاغفر لى ما قدمت و ما أخرت ، وما أسررت وما أعلنت ، وأنت المقدم وأنت المؤخر . لا إله إلا أنت الأول والأخر والظاهر و الباطن ، عليك توكلت ، وأنت رب العرش العظيم . اللهم آت نفسي تقواها ، وزكها يا خير من زكاها ، أنت وليها ومولاها يا رب العالمين اللهم إني أسألك مسألة البائس الفقير- وأدعوك دعاء المفتقر الذليل، لا تجعلني بدعائك رب شقيا ، وكن بي رءوفا رحيما يا خير المئولين ، يا أكرم المعطين، يا رب العالمين . اللهم رب جبريل وميكائيل و أسرافيل وعزرائيل، أعصمني من فتن الدنيا و وفقني لما تحب و ترضى ، وثبتني بالقول الثابت في الحياة الدنيا وفي الآخرة – ولا تضلني بعد أن هديتني وكن لي عونا ومعينا ، وحافظا و ناصرا. واخر دعوانا ان الحمد لله رب العالمين وصلى الله وسلم على سيدنا محمد وعلى اله وصحبه وسلم آمين يا رب العالمين اللهم أستر عورتي و أقبل عثرتي، و أحفظنى من بين يدي و من خلفي ، و عن يميني و عن شمالي ، ومن فوقي ومن تحتي ، ولا تجعلني من الغافلين . اللهم إني أسألك الصبر عند القضاء ، و منازل الشهداء ، و عيش السعداء ، و النصر على الأعداء ، و مرافقة الأنبياء، يا رب العالمين

الدنيا دى بقت غريبه

الدنيا دى بقت غريبه
بدات أحس ان ملهاش قيمه
مبحنش لأى حاجه قديمه
ولا نفسى اعمل حاجه جديده
حاسس كأنى تايه فى جزيره
ومعيش اكل ولا شرب ومش لاقى ولا سفينه
حاسس كأنى فلاح تايه فى المدينه
ومش عارف يرجع ومعهوش ولا تعريفه
الدنيا دى بقت غريبه
كل يوم اصحى الاقى الف مصيبه
فى كل حته بلاد بتتضرب وبيوت بتتهد
وبيتصلى فى المسجد الواحد على الف شهيد وشهيده
الدنيا دى بقت غريبه
كله بيسرق وينهب و يهرب
انتهى عصر الناس الشريفه
بقيت لما اشوف حد محترم وامين
اقول ياه معقول دى فعلا حاجه عجيبه
الدنيا دى بقت غريبه
الاخلاق بقت بتنحصر فى الشوكه والسكينه
وقمة التمدين بقا الديسكوهات وشرب البيره
والمتدين بقى حاجه كده دقه قديمه
الدنيا دى بقت غريبه
الثقافه والعلم والادب انقرض
والموبايلات والنغمات مبقلناش غيرها سيره
وانتشر الجهل والفساد والجريمه
الدنيا دى بقت غريبه

نقطة ماء تساوى حياة

السلام عليكم ورحمة الله وبركاته

تضامنا مع اهالى كفر الشيخ اقل ما يمكن القيام به هو الدعاء لهم ونشر استنكارنا جميعا على جميع المدونات.انا عارف فى ناس هتقول ده كلام ملوش فايده ولا لازمه بس ده اضعف الايمان دى اقل حاجه نقوم بيها والناس دى يا جماعه مطلبتش انها تشرب ميه نضيفه ولا حاجه لا سمح الله احنا عاوزينهم يشربو ميه بس لان ده حقهم وده حق البلد دى عليهم يعنى لما المواطن ميلاقيش نقطة ميه يبقى المحافظ ايه لازمته يعنى

كنت فى الساحل الشمالى

سلامو عليكو انا مبسوط انى رجعت تانى اكتب واقرا بعد غياب عشرة ايام لانى كنت مسافر بصيف فى الساحل الشمالى والصراحه فى حاجات كتير عاوز اتكلم عنها شوفتها فى السفريه دى حسيت ان مصر دى فعلا بلد عجيبه بتجمع ما بين الكثير من المتناقضات مش هكلمكو على المستويات الرهيبه الى كانت هناك والعربيات والكلاب ايوه والكلاب اصل الكلاب دلوقتى بقت من الحاجات الى الناس الى بتمنظرو بيها على بعض شوف انا معايا كلب بلاك جاك وانا معايا لبرادور وولف وحاجات غريبه كده وطبعا بيهتمو بيهم اهتمام كبير انا مش ضد الاهتمام بالحيوانات بس مش لدرجه يبقا ليهم شمبوهات وتتفرج بقا على منتهى التناقض فى مصر لما تلاقى نفسك بتشترى كرتونه ميه معدنيه لان الميه هناك مملحه فى ظل ان فى ناس مش لاقيه نقطة الميه المملحه دى نيجى بقا لسلوك الشباب والشبات الغريب البنات طبعا الصبح نازلين البسين بالبكينى عادى خالص مع ان مامتها محجبه بس متفهمش فى ايه طيب انا عاوز اعرف هى لو لبست كويس ولبست مايوه اسلامى الى هو بيبقى ساتر كل حاجه وليه بونيه وطرحه وكمان دريل من فوق علشان المايوه ميبقاش شكله ضيق كان هيحصل ايه هى كده اخدت ذنب وخلت الولد الى بيبوصلها ياخد ذنب وهى خدت ذنبه هو كمان وبليل تلاقى الولاد دايرين فى القريه يعاكسو فى دى ويحاول يظبط مع دى طيب ها وبعدين استفدت ايه لما يبقا ده تفكيرك وده طموحك انك تمشى معاها وتسهر معاها يبقا انت اصلا من جوه فاضى خالص انت كده اخدت ذنب وشجعتها على انها تستمر فى الوضع ده يا جماعه كده مش هينفع لو بقا ده تفكيرنا انا مبقولش نبقا ملايكه بس الى بيحصل هناك ده كتير لما يبقا تفكيرك فى انك تجرى بعربتك وتاخد الملف بسرعتك وتشد الهاند بريك وبختك يا ابو بخيت بقا فى عيل هيكون بيلعب او بيجرى عند الملف ولا لا يعنى ممكن يموت حد لما واحد يبقا فاتح كافيتريا علشان يجى يعمل فيها كل اسبوع حفلة رقص ودى جى علشان البنات يشوفو مين بترقص احسن يبقا فيه حاجه غلط يبقى الناس دى كده معندهاش استعداد تبقى كويسه ومش هياثر فيها اى كلام مهو ربنا سبحانه وتعالى قال* ذكر فأن الذكرى تنفع المؤمنين*ما قالش المسلمين يبقى لازم احنا نكون على الاقل فى حال ان لما حد يكلمنا يكون عندنا حاجه تتحرك الناس دى لما بتبقى ماشيه غلط بتضر نفسها وبتضر الى ماشى صح وبالطريقه دى انسى ان هيبقى فيه بلد اللهم عافنا واعفو عنا واهدنا وارحمنا ولا نقبضنا الا وانت راضى عنا فى النهايه ياريت بقا تبعتولى تقولولى هو فى ايه ليه الناس دى بتعمل كده وايه الى خلاهم يعملو كده

لك تحياتى

لك تحياتى
لك حبى وتقديرى واعتزازى
لك تتوق كل اشواقى
لك تحياتى
ايها الفارس الذى لم يسقط من ذكرياتى
يا من رفع اسم بلادى
يا صاحب الثوره يا من حقق الامانى
لك تحياتى
يا من اطلقت له الهتافات والفت له القصائد والاغانى
يامن قام لتشيعه كل من فى المحافظات والقرى والضواحى والنواحى
لك تحياتى

يا صحابى يا اهلى يا جرانى انا مش راح اذاكر تانى

بسم الله الرحمن الحيم

والصلاة والسلام على اشرف المرسلين

لقد قررت ان اتنحى تماما ونهائيا عن كلية تجاره وان اكون فى صفوف الخريجين وانضم الى الاخوه العاطلين امارس دورى معهم كأى عاطل عادى

انا اتخرجت يا خوناااااااااااااااااااااااااااا الحمدلله ربنا وفقنى واتخرجت

ألاقصى

الجبروت يتمادى
والاقصى يتهاوى
والكبرياء يتلاشى
والحكومات تتخاذل
والشعوب تتنازل
فمتى تستيقظون ايها المسلمون
ام انتم للاحتقار مستمرقون
وللذل خانعون
ولعروشكم خاشعون
ولامريكا عابدون
فلاسرائيل خاضعون
فرحماك يارب رحماك
لم يعد لدينا سواك
الامة اصابها الاضمحلال
فلانملك الا الدعاء
رحماك يارب رحماك

تاج

مع انى بقالى كتير مليش نفس اكتب مش عارف ليه حتى اخر حاجه حاتطها على البلوج كانت قديمه اصلا كنت كاتبها من زمان بس الصراحه مقدرش اكسف الكبير بتاعنا هدى جمال وخصوصا ان دى اول مره يعدى عليا تاج فانا بشكرها جداا

من هو احب شخص لقلبك فى الدنيا؟

ابويا وامى واختى هو فى ناس بتقول ان كون ان احنا عيله من اربع افراد بس ده بيخلينا مترابطين اوى مش عارف يمكن بس احنا فعلا بنحب بعض اوى عيله رومانسيه على رأى خالد صاحبى وبحب قرايبى كلهم وبحب اشوفهم كتير صعايده بقا هنعمل ايه هى دى طبيعتنا وطبعا اصحابى الحمد لله رب العالمين انا ليا اصحاب كتير جدااااااااا لدرجة انى لو فكرت فى اى وقت اخرج لازم هلاقى حد اخرج معاه ومش عارف بحبهم على ايه مع انى ساعات بتخنق منهم واخص بالذكر كلهم

انسان مستعد اضحى بحياتى علشانه؟

من غير تفكير اختى طبعا هى اكتر حد فى الدنيا بخاف عليه ويمكن اصحابى المقربين عارفين انى بعيط لما بيجيلها دور حساسيه وبيقعدوا يضحكوا عليا بس انا كده

اسم اول حب؟

مفيش داعى انا سامع واحد خفيف بيقول ايه ده اسمها مفيش وابوها اسمه داعى هههههههه كركركركركر خفيف الاخ عايز يتطخ

اسم اخر حب؟

بصو يا جدعان لو لسه بتفكرو فى الحوارات دى هى مرة اتنيلت وخلصنا خلاص الموضوع خلص

the movie is over

ده للناس الى ضعيفه فى العربى

اسم اجمل كتاب كتبه بشر ومحتفظ بيه لحد دلوقتى؟

مجلد اشعار للرائع فاروق جويده اصل انا العاشق المغرم لجويده

شىء تحس بالراحه النفسيه عندما تنظر اليه؟

البحر والنيل بس بليل عندى استعداد اتفرج عليهم بالساعات والهوا يخبط فيا

مكان تحس فيه بالحنين الى شىء لا تدرى ماهو و ذكريات جارفة الى لاشىء ؟

الصحرا انا بحب الصحرا جدااا متفهموش ليه وانا مسافر مطروح السنه الى فاتت الاوتبيس طلع الساعه 12بليل اول ما مسك الصحراوى روحت رايح للمشرف بتاعنا واديته سندوتش وقعدته مكانى وقعدت انا مكانه جمب السواق الصحراوى رائع بليل وخصوصا طريق العالمين البنى ادم الى بيتريق عليا دلوقتى يحترم نفسه دى اسئله وانا بجاوب عليها اه بحب الصحرا بليل والى يخاف يروح

مكان تحس بالراحة عندما تدخله ؟

المساجد طبعا اكتر مكان فى الدنيا برتاح لما ببقا فيه بيت ربنا وفى حديث عن الرسول عليه الصلاة والسلام كان رواه ابو هريره ان هناك سبعه يظله الله فى ظله يوم لا ظل الا ظله ومن السبعه دول رجل قلبه تعلق بالمساجد اللهم اجعلنا منهم يارب العالمين يجى بعد كده اسيوط لان انا من هناك فبحب اروح هناك جدااا ناس طيبين ومحترمين وانزل البلد الى بحبها جداااااا واسمها ببلاو نسبه الى جدى الكبير الببلاوى

ايون خلى بالك معايا البلد هى الى اتسمت ببلاو نسبة الى الببلاوى مش الببلاوى الى اتسمى كده نسبه الى ببلاو لان انا اسمى عمرو بهى الدين صلاح عبد الحافظ على جاد حيدر منصور احمد على الببلاوى

اجمل مدينة زرتها داخل مصر ؟

مرسى مطروح انا روحتها خمس مرات لحد دلوقتى بعشقها

أجمل مكان طبيعي رأيته داخل مصر؟

عجيبه

اهم جهاز منزلى انت متعلق بيه او بتستخدمه كتير ؟

الكمبيوتر طول منا فى البيت قاعد قدام الكمبيوتر الا وانا باكل او لو فى ماتش ماما بتقعد تقولى يابنى اقعد مع بنى ادمين شويه بقولها منا قاعد بتكلم مع بنى ادمين بس على النت

سرعة بروسيسور جهازك ؟

1.7

حجم ذاكرة –هارد- جهازك ؟

يا جدعان بروسيسور ايه وهارد ايه انا حاسس انى واقف فى سوق العصر 80جيجا ياخونا وعلى فكره لولا ان الهارد ال40باظ وجاله باد سيكتور بهدله مكنتش غيرته لان انا الكمبيوتر بالنسبالى نت وبس

نوع هاتفك المحمول؟

انا مليش فى الموبيلات اوى بس جبت 6630علشان شفته مع مشمش قصدى احمد السيد وعجبنى الصراحه

المساحة التى تشغلها المواد الاسلامية على جهازك؟

مساحه كويسه الحمدلله نقدر نقول الاغلبيه

نفس المساحة السالف ذكرها فى قلبك ؟

ربنا اعلم بيها

أهم هدف انت واضعه لحياتك دلوقتى ؟

لسه على اخر الشهر اقولكم امانه عليكو تدعولى

مواصفات فتاة –أو فتى للبنات- الأحلام بالنسبة لك ؟

فتاة احلامى لازم تكون متدينه وتعرف ربنا وفاهمه دينها كويس اوى لانها لما تبقى كده هتبقى زوجه كويسه معايا وهتبقى ام رائعه لاولادى ولازم تكون ذكيه مش لازم الذكاء الحاد وكل واحد فينا ربنا مديله قدرات عقليه معينه بس انا بقا بكره الى مبيشغلش دماغه يعنى عاوزها تبقى بتشغل دماغها مش لازم تكون عبقريه يعنى

صف ما يأتى :شعورك لما بتسمع كلمة مصر؟

لا بحس بحاجات كتير انا بحب البلد دى اوى او بمعنى ادق منتمى ليها اوى ومصر كبلد انا هفضل احبها ايا كانت الظروف من وانا صغير كنت ببقا مهتم اوى بتحية العلم والنشيد والكلام ده وكنت بحتقر الطالب الى بيقف ميقولش النشيد زى ما حاليا بحتقر اللعيب الى مبيقولش النشيد فى الماتش وكمان انا افتكر قسم كنا بنقوله فى اعدادى فى الطابور كنا بنقول اقسم بالله العظيم ان اكون مخلصا لجمهورية مصر العربيه وان ادافع عنها ضد كل عدو وكل غاصب وكل محتل وان اكون مثلا صالحا فى اخلاقى واعمالى والله على ما اقوله شهيد

شعورك لما بتسمع كلام عن اليهود ؟

بصو انا اقولكو على حاجه هما ليهم سوابق بشعه طبعا من قديم الازل بس انا بحب ابقا محدد يعنى مصر فيها يهود لحد دلوقتى ومبيعملوش حاجه وحشه لحد وفى جميع انحاء العالم فى يهود فانا تقدرو تقولو بكره الصهاينه لان ليس كل يهودى صهيونى ولكن كل صهيونى يهودى

حتى انا لما بحب ادعى بقول اللهم عليك بالصهاينه مش باليهود ودى وجهة نظرى الشخصيه المتواضعه

يلهوى يا هدى انتى مش بتمرريلى تاج ده قصر ملكى ما علينا ماشى ياستى انا مكمل

شعورك لما بتشوف ظابط شرطة ؟

هو مفيش كلام ان سمعتهم بقت صعبه اوى بس انا مبحبش اصدر كلام عن حد الا لما اشوف تصرفاته لان فيهم قله محترمين

شعورك لما بتشوف الكناس العجوز فى الطريق ؟

بيصعب عليا جدااا طبعا بس بقول ربنا كبير

لون البطانية اللى بتتغطى بيها فى الشتاء ؟

اللهم انى لا اسألك رد القضاء ولكنى أسألك اللطف فيه هو مين الى اخترع ألأسئله دى

لون الجورب-الشراب- المفضل لديك ؟

لا الصراحه سؤال قوى جدااا بسم الله الرحمن الرحيم الاجابه ابيض

احساس يراودك فى اشارة مرور مغلقة بسبب مسئول كبير؟

بفتكر قول سبحانه وتعالى انك ميت وانهم ميتون

زغردن يا امهات اعلن الافراح لن نترك السل...........سورى قصدى اقول انى خلصت الاسئله بس الحماسه خدتنى وبمرر التاج لاى حد فاضى ومش لاقى حاجه يعملها لا بس الصراحه فى اسئله كتير جميله ومهمه طبعا وبشكر هدى جمال على تمريرها اول واخ.....لا بهزر طبعا ياريت تتكرر بس بعيد عن الشربات والبطانيات لان دى خصوصيات الحاجات دى بتتنظر

حبيبتى من تكون

حبيبتى من تكون
هى صاحبة القلب الحنون
هى صاحبة الطبع الخجول
هى صاحبة اجمل العيون
حبيبتى ليست انسانة
بل هى اية
عندما اراها ابكى من السعادة
اذا تحدثنا عن الاخلاق فلها الريادة
حبى لها فاق كل الحدود
فقلبى لم يستطع الصمود
فقررت اعبر كل السدود
وطرت فرحا عندما شعرت بالقبول
حبيبتى من تكون

لا تتألأم يا قلبى

أعلم ياقلبى أنك لست جريح
ولست لفراش الحزن طريح
اعلم انك تألمت قليلا
واندهشت كثيرا
لكنى كنت ادرك ان الفراق قريبا
ادرك انك احببت وبشده
ولكن الجواب لم تكن تستحقه
فوجدت فتورا وبمنتهى الحده
فلا تكن للألم اسير
ولا تنكر انك تعلمت الكثير
فالهواء ليس دائما بعليل
بل هناك زوابع واعاصير
فعندما تحب لاتحب بتبذير
فالمقاييس والمعايير انقلبت
وقد تجد ماليس له تفسير

المبادىء

ان كل دوله او منظمه او مؤسسه لديها قوانين وقواعد واسس تسير عليها وهى ملزمه لكل العاملين بها والمتعاملين معها وقطعا تلك القوانين والقواعد تحد من الاخطاء او تقلصها الى حد كبير.....الانسان يجب ان يكون لديه مثل هذه القواعد والاسس والقوانين يجب ان يكون لديه مايستطيع ان يحاسب به نفسه وهو المبادىء من منا يصر على الصدق فى احلك الظروف واصعب المواقف من منطلق انه لديه مبدا وهو عدم الكذب ليكون اسوة بالصادق الامين( صلى الله عليه وعلى اله وصحبه وسلم )من منا يتطلع الى لقب سيدنا على ابن ابى طالب (كرم الله وجهه)من منا يكره الخيانه ويعشق الامانه
فى هذه الايام نرى الكذب قد تفشى واصبح من اسهل الاشياء بل اسهل الاشياء على لسان الانسان او بمعنى ادق على قلب الانسان الا نتذكر قوله تعالى (وأما ان من المكذبين الضالين فنزل من حميم وتصلية جحيم)فنحن نكذب للهروب ونكذب للحصول على مالانستحقه ونكذب لكى نتفاخر بما لا نمتلكه بل اصبحنا نكذب لكى نكذب
لماذا اصبح من السهل علينا ان ننظر الى ما حرمه الله بل ونختلق الاعذار بأن المسئوليه تقع على المراه أو الفتاه فيما ترتديه دعنا نطرح سؤال اذا اردت ان تنجح الن تذاكر اذا كنت من الرياضيين وتريد ان تفوز الن تتدرب اذا اردت ان تحصل على المال الوفير الن تعمل بجد ......فأذا اردت الجنه ورضا ربك فعليك ان تتحلى بالايمان والتقوى والصبر لماذا نريد كل شىء سهلا وهنا اود ان اتحدث فى موضوع فى منتهى الاهميه وألمنى كما ألم الكثير من الشباب وهى الكارثه الكبرى التى حدثت فى وسط المدينه فى عيد الاضحى الماضى من تحرش للبنات والسيدات بوسط المدينه كان شىء فى قمه البشاعه بل والابشع انك تجد من يبرره من الشباب على المنتديات بان الخطا ليس عليهم بل على الفتاه عندما بدات وسائل الاعلام الحديث عن ذلك الموضوع كانت مصطلح السعار ما ابشعه وما احقره وما اصدقه تعبير نعم عندما نصل الى مرحله انى ساحصل منك على ما اريده رغما عنك فنحن نتحدث عن علاقة حيوانات ليست علاقة انسان بانسان فلماذا يهون على الشاب نفسه الى ذلك الحد انها مأساه بكل المقاييس ...........ان الخيانه انتشرت كثيرا هذه الايام فالعديد من الشاب والشبات يقومو بخيانه بعضهم البعض ونجد ايضا الخيانه انتشرت بين الازواج وكنتيجه طبيعيه لتفشى تلك الظاهره انتشرت الجاسوسيه واصبحت الانسان يخون شعبا باكمله............كل ذلك لعدم وجود مبادىء وهنا اود الحديث عن ان هناك مبادىء شخصيه لكل انسان ايضا واختلافها من شخص لاخر لا تعنى ان هناك شخص افضل من اخر بل هى مبادىء شخصيه بحته تتعلق بطريقة التفكير وعدم التخلى عن تلك المبادىء يزيد من احترام الانسان لنفسه................ولكن دعنا نبحث عن علاج لتلك المشكله لابد وان وان نتقى الله قدر استطاعتنا ولابد وان يقوم البيت بدوره والمدرسه بدورها والاعلام بدوره لكى ننهض بتلك الامه .... وفى النهايه لابد وان اتقدم لهدى جمال بخالص الشكر لاقتراحهابان اشتق من البوست الاولانى واتكلم عن السلوكيات كان اقتراح اكثر من رائع علشان كده كان لازم اشكرها لان كان ليها فضل كبير فانى اكتب الموضوع ده .........والسلام عليكم ورحمة الله وبركاته

الكرامه

ان الأنسان لديه شهوه تسمى شهوه حب الذات او بمعنى ادق احترام الذات اى يعيش الانسان بعزته وكرامته ولكنى بدأت اشعر ان هذه الشهوه بدأت تتلاشى وذلك يعنى ان هناك خلل بل اكاد ان اجزم بانه عطب تام فى قلب الانسان فلابد ان يتمسك المرء بكرامته وان يحافظ عليها ايا كانت التضحيات وايا كانت العواقب فهى الشىء الذى لابد وان نقاتل من اجله ان كل انسان ليه عمر محدد ولديه رزق محدد هذه مسلمات لا يمكن المساس بها لابد وان لا ننسى ذلك فعندما ندافع عن كرامتنا لابد وان ننحى التفكير بشأن العمر والرزق جانبا حتى نستطيع ان نشبع تلك الشهوه فهى شهوه لا تحتاج الى اى نقود لاشباعها بل تحتاج الى قلوب لاشباعها

جلست يوما عند المغيب
جلست ابكى فى نحيب
ابكى الكرامة التى غربت
ولم تشرق منذ زمن بعيد
ابكى العزة التى ؤدت
والشجاعه التى دفنت
والشهامة التى قتلت
فأذا بالارض تجيب
بأن هناك رجلا نجيب
مقاتل قوى صلب عنيد
قادم من لبنان العروبة
تذكرنا معة معنى المرؤة
واصبحت هاماتنا مرفوعة
فوقف فى وجه الطغيان
فقام بتحدى اليهود والامريكان
فجاءو لمعاقبتة جزاء العصيان
فحارب وقاتل وصمد
وقال عذرا اباطرة هذا الزمان
فالجبن اصبح فى طى النسيان
فقد اشرقت الشمس من جديد
لتدفئنا باشعة الايمان

خليك يا نيل شاهد

خليك يا نيل شاهد

على كل واحده وكل واحد

على كل شريف وكل فاسد

على كل صالح وكل جاحد

خليك يانيل شاهد

على كل ناجى وكل غارق

الى منهم عفيف والى منهم سارق

خليك يانيل شاهد

على الى بيتفسح والى مسافر

الى منهم مؤمن والى منهم كافر

خليك يا نيل شاهد على كل المراكز والمحافظات

على الطيبين واصحاب المؤامرات

خليك يانيل شاهد

من اسوان لأسكندريه

على كل المحترمين والبلطجيه

خليك يانيل شاهد

انك لاتهدى من احببت ولكن الله يهدى من يشاء

بسم الله الرحمن الرحيم

والصلاة والسلام على اشرف المرسلين.....يسعدنى ان التقى معكم من خلال هذا المكان لمناقشه كل الامور والاحداث والمواضيع للوصول الى افضل الحلول ....لايخفى عليكم ان الشباب هم عمادالامه ولن تنصلح حال هذه الامه الا بانصلاح احوال الشباب لذا يجب ان نسمو باخلاقنا وافعالنا وتفكيرنا للنهوض بامتنا وشعوبنا الانسان بطبيعته سوى ....قال سبحانه وتعالى (ونفس وما سواها* فألهمهافجورها وتقواها*قد افلح من زكاها*وقد خاب من دساها)أسأل الله العلى العظيم ان يجعلنا من المزكين لانفسهم لكى نكون من الفالحين .....انا لا ادعو الى المدينه الفاضله ولا أدعى اننا ملائكه ولكن اذا قام كل منا بمحاسبه نفسه والتوبه وابداء الندم على ما أقترفه من اخطاء اعتقد ان ذلك سيؤدى الى الحد من تلك الاخطاء وتقليصها فكل بنى ادم خطاء وخير الخطائون التوابون لكى نصبح افضل الامم لا بد وان نسعى لذلك بمنتهى القوه وذلك عن طريق التفكير السليم والاجتهاد والاخلاص وكل ذلك يتحقق بالتقوى فهى خير الزاد....اعزائى اخوانى واخواتى يسعدنى ان اتلقى التعليقات ويسعدنى ان اتلقى الاقتراحات من كافه الشباب من الجنسين وكافه الاعمار ومن جميع الاقطار والاديان والملل والمذاهب فنحن هنا للقيام بدورنا للنهوض بامتنا والارتقاء بعروبتنا...والسلام عليكم ورحمه الله وبركاته
draft
by amr elbeblawy
5:39:00 AM
Delete
1 – 1 of 1