امتى هننهض امتى هنفوق
امتى هنقلل الفروق
بينا وبين الناس الى فوق
بينا وبين الدول المتقدمه
امتى هننزل من ركاب المتأخره
امتى هنكون دوله متحضره
اكيد لما نكون بجد دوله مؤمنة
لما نزرع ونصنع ونبطل نسرق
لما الناس تبطل تاخد قروض وتهرب
لما الشباب يفوقوا ويقولو خلاص مش هنضرب
لا حشيش ولا بانجو ولا بيره هنشرب
ساعتها بس هنعدى ساعتها بس هنفرق
13 comments:
فى حاجات كتييييرة لما عملناها هنفرق بجد وياريتنا نبدء ننفذ
تدوينة جميلة ومؤثرة
من غير غياب تانى عن المدونة والتدوين حمد الله عالسلامة
ما شاء الله
إيه الجمال ده يا عمرو
ربنا يحميك و يبارك فيك
ريم
متشكر جدا على زيارتك وطبعا فى حاجات كتير اوى لو عملناها هنفرق ومبسوط ان التدوينه عجبتك وهحاول انشاء الله ماغيبش تانى
علاء
يارب يخليك ويبارك فيك ومتشكر على الكلام الجميل ده ومنورنى دايما ان شاء الله
ايه الحلاوة دى يا كابتن
:D
جامد يا مان
على رأى علاء
ربنا يحميك ويبارك فيك :)
ومبروك العودة للبلوج
متقطعش تانى بقى
ربنا يخليكى يا انسه دينا ويبارك فيكى واتمنى انى مقطعش تانى
حمدالله عالسلامه
مبروك العوده
بوست جميل عندك حق فعلا
ربنا يصلحنا يااااااااااارب ويصلح احوالنا
huda gamal
هدى جمال
الله يبارك فيكى ومبسوط ان البوست عجبك وربنا يصلح احوالنا
البلد في حالة من الضياع، والأمة جمعاء كذلك. الحل في الشباب، مش بس بالخواطر ونحوها، لكن بالعمل التطوعي والاشتراك في المبادرات التنموية الجيدة، وفي هذا الإطار، بجد بحيي عمرو خالد على مبادرته ضد المخدرات، لانها داء يكبل مسيرة التنمية ويقتل الشباب -عصب الأمة- يوميا
والله ياايمن انا شايفة ان البلد او الامة محتاجة كل اللى ممكن الشباب يقدر يقدمه
الخواطر دى ايه؟؟ ,, ماهو كلام ووسيلة الواحد بيقدر يعبر بيها,اعتقد انها مطلوبة جدا,, زى الاناشيد والاشعار الوطنية بالظبط ليها دور ومهم جدا كمان
وكمان عايزة اقولك ان احنا الحمد لله فينا ناس كتير اوى بتشارك بطرق مختلفة بس الواحد مش بيتكلم او بيحكى
يمكن عنده وسيله انه يحكى عن طريق مدونته او يتكلم ويحفز بخواطر واشعار
عامة انا متفقه معاك جدا فى رأيك بس حبيت اضيف المعلومة دى
وحبيت كمان اشكر عمرو على الخاطرة وعلى خوفه وان هو مسحبتهوش الذاتية وفكر فى مشاكل خاصة بيه وبس
بالاضافه عن الحاجات اللى بيحاول يشارك فيها زى حملة عمرو خالد :)
ربنا يحفظك و يبارك فيك
انت جبت من الاخر ومن النادر جدا ان الواحد يشوف شباب زى الفل بيفكر كده
ان الله لا يغير ما بقوم حتى يغيروا ما بأنفسهم
و كويس انك اتعرضت لموضوع تغيير النفس وترك المخدرات بالذات لأنها دى العامل المشترك بين شباب مصر دلوقتى للاسف تقريبا 9 افراد من كل 10 افراد بيتعاطوا مخدرات بأنواعها وكذلك عقاقير كيميائية وحبوب هلوسه
ربنا يحفظك و هو ده التغيير بجد
علاء على
اهلا وسهلا بيك واسف جدا على الرد المتاخر و متشكر جدا على الكلام الجميل الى انت قولته و مبسوط ان الموضوع عجبك
السلام عليكم ورحمة الله وبركاته
في انتظار ان كل دا يحصل قريب إن شاء الله
:))
تحياتي :)
يارب
Post a Comment