الدنيا دى بقت غريبه
بدات أحس ان ملهاش قيمه
مبحنش لأى حاجه قديمه
ولا نفسى اعمل حاجه جديده
حاسس كأنى تايه فى جزيره
ومعيش اكل ولا شرب ومش لاقى ولا سفينه
حاسس كأنى فلاح تايه فى المدينه
ومش عارف يرجع ومعهوش ولا تعريفه
الدنيا دى بقت غريبه
كل يوم اصحى الاقى الف مصيبه
فى كل حته بلاد بتتضرب وبيوت بتتهد
وبيتصلى فى المسجد الواحد على الف شهيد وشهيده
الدنيا دى بقت غريبه
كله بيسرق وينهب و يهرب
انتهى عصر الناس الشريفه
بقيت لما اشوف حد محترم وامين
اقول ياه معقول دى فعلا حاجه عجيبه
الدنيا دى بقت غريبه
الاخلاق بقت بتنحصر فى الشوكه والسكينه
وقمة التمدين بقا الديسكوهات وشرب البيره
والمتدين بقى حاجه كده دقه قديمه
الدنيا دى بقت غريبه
الثقافه والعلم والادب انقرض
والموبايلات والنغمات مبقلناش غيرها سيره
وانتشر الجهل والفساد والجريمه
الدنيا دى بقت غريبه
Subscribe to:
Post Comments (Atom)
6 comments:
:)
فعلااااااااااااااااااااااااااا
الدنيا دى بقت حاجه عجيبه ... غريبه ...ومصيبه
بجد من اجمل ما قرأت ..
تحياتى
جميلة اوى يا عمرو
والله يابنى معاك حق
بحب كتاباتك بحس فيها بواقعية شديدة
وبتعجبنى جداا..كلامك بيكيفنى بمعنى اصح
:D
هدى جمال
متشكر جداااا وانا مبسوط اوى ان ده من اجمل ما قرأتى وتحياتى ليكى انتى كمان
دينا
انا كمان بحب كتاباتك وبحب الصور الى بتاخديها وبحب طريقة تفكيرك واسلوبك و مفيش اجمل من كلامك انتى الى فعلا بيدخل الدماغ
بجد والله جميلة اوى وقريبة منى اوى
ربنا يوفقك
ريم
اهلا بيكى و متشكر جداا على ذوقك وكويس انها عجبتك وشرفتينى بزيارتك
egri yad
Post a Comment