لك تحياتى
لك حبى وتقديرى واعتزازى
لك تتوق كل اشواقى
لك تحياتى
ايها الفارس الذى لم يسقط من ذكرياتى
يا من رفع اسم بلادى
يا صاحب الثوره يا من حقق الامانى
لك تحياتى
يا من اطلقت له الهتافات والفت له القصائد والاغانى
يامن قام لتشيعه كل من فى المحافظات والقرى والضواحى والنواحى
لك تحياتى
لك حبى وتقديرى واعتزازى
لك تتوق كل اشواقى
لك تحياتى
ايها الفارس الذى لم يسقط من ذكرياتى
يا من رفع اسم بلادى
يا صاحب الثوره يا من حقق الامانى
لك تحياتى
يا من اطلقت له الهتافات والفت له القصائد والاغانى
يامن قام لتشيعه كل من فى المحافظات والقرى والضواحى والنواحى
لك تحياتى
15 comments:
لك ايضا تحياتى ياجمال عبد الناصر
مهما اختلفت الاراء لا يسعنى غير تقديم ايضا تحياتى
تحياتى لك ايضا
اهلا بيكى يا ريم منورانى
وفعلا عندك مهما اتفقنا او اختلفنا مع عبد الناصر لا يسعنا الا تقديم التحيه
الراجل له دور هام لا ينكره إلا جاحد، ومع ذلك فإن رصيده في مجال حقوق الإنسان والديموقراطية وحرية التعبير أسوأ من السوء، ومع ذلك فهو من رجالات مصر القلائل
ايمن باشا منورنى دايما وطبعا انا متفق معاك فى ان فى عصره كان فى بيروقراطيه كبيره حتى وان كان هناك بعض الناس بيقولو ان ده كان بدون علمه والناس الى تحتيه هما الى كانو بيعملو كده الا ان ده ميعفهوش من اللوم هو مسئول عن البلد دى بالى فيها بس زى مانت قلت هو من الرجال القلائل فى البلد دى وعلى فكره المختلفين معاه مكنوش كتير والغالبيه العظمى كانت معاه وانا بستشهد دائما بجنازته وهى خير دليل على حب الناس ليه لان محدش كان من مصلحته يطلع فى جنازته ده راجل مات بس الناس كانت بتحبه ومنورنى ياباشا
يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل
أحترم عبد الناصر في مواقف... لكن إجمالا... لن أصفق له... اعذرني
بمناسبة الجنازات
للذكرى ليس إلا
جنازة الملك حسين بن طلال خرجت في الأردن
جنازة الملك الحسن الثاني خرجت فيها المغرب
جنازة حافظ الأسد انتحبت فيها سوريا
جنازة ياسر عرفات أرانا نذكرها جيدا
إلى أي درجة نثق نحن الشعوب العربية في معرفتنا بمن ضرنا ومن نفعنا؟
ولو الكلام بالجنازات يبقى ليه محدش اتكلم عن جنازة النحاس بغض النظر عن موقفه بس على الأقل محدش ينسى كانت عاملة زي رغم كونها في عصر تألق عبد الناصر وسيطرته المطلقة... لكن هل الجنازة مقياس؟ لا طبعا
بكرر بس إني بحترم عبد الناصر في لحظات معينة صنعت تاريخ فعلا، بس إجمالا لا
عمرو فهمى نورت المدونه واشكرك على مشاركتك وتعليقك و طبعا كل واحد ليه وجهه نظر وانا احترمها تماما واعتقد ان الجميع اتفق واختلف مع عبد الناصر لكن تباين درجة الحب لعبد الناصر من شخص لأخر
والف شكر ياباشا ودايما منورنى وانت معملتش حاجه غلط علشان اعذرك دى وجهة نظرك الجديره بالاحترام وذلك لالتزامك بالحوار المحترم
مع كامل تقديرى واحترامى لكلامك لم يشهد العالم العربى جنازه بحجم جنازة عبد الناصر لو سالت والدك او شفت تسجيل لجنازة عبد الناصر هتلاقى ان تقريبا تقريبا مصر كلها كانت فى الجنازه لدرجة ان الناس الى مقدروش ينزلو مصر عملو نعوش وهميه ومشيوا بيها نيجى بقا بالنسبه للشعب المصرى ميعرفش مين ضره ومين نفعه انا لا اتفق معاك فى الكلام ده مش معقول 95%من الشعب المصرى معندوش وعى اكيد عارفين مين بنى السد العالى اكيد عارفين مين امم القناه اكيد عارفين مين بنى الحديد والصلب مين الى بنى الغزل والنسيج مين الى بنى الالمونيوم مين الى عمل الخطه الخمسيه من 60ل65الى هى السبب الاساسى لخوف اسرائيل من مصر ورفضها التام لان تكون مصر صاحبة قوه اقتصاديه فى البلد لذلك قامت بالحرب على مصر وهنا انا مبعفيهوش من النكسه طبعا واخيرا اكيد اى واحد فى الدنيا ليه انجازات وليه سقطات بس اقولك على حاجه عبد الناصر لم يكن الاسوء حتى فى نقطه التعذيب والديكتاتوريه ثق بكلامى عبد الناصر لم يكن الاسوء وانا اعى ما اقوله جيدا
حسنا لم يكن الأسوأ؟ ولكن من زرع الأسوأ؟ من سواه!!!!
من حل الأحزاب وعطل الحياة الديمقراطية؟
من وضع مراكز القوة وحل أزمة الإسكان بالمعتقلات؟
من المسئول عن النكسة؟
من المسئول عن رواسب الحقد والكسل والتباطؤ؟
من المسئول عن انخفاض الإنتاح الفعلي للأرض الزراعية رغم المشروعات الضخمة؟
من المسئول عن ظاهرة التحول من الريف للمدينة رغم شعارات العدالة الزائفة؟
من المسئول عن تجريف التربة الزراعية وانحسار مساحتها؟
من المسئول عن ثقافة أهل الثقة لا أهل الكفاءة والعلم؟
من المسئول عن شعارات جوفاء لم نجن من ورائها إلا هزائم؟
من المسئولة عن علمانية مارقة وقومية مفرّقة؟
من المسئول حكم مصر بواسطة المؤسسة العسكرية إلى الآن؟
من المسئول عن ثقافة الخوف و"بلاش كلام في السياسة" و"امشي جنب الحيط"؟
من المسئول عن وجود جيل كامل الآن تعلم من أسلافه ثقافة قمع أخوك في الوطن تحت شعار أمن الدولة بعد أن كانت أمن الثورة؟
من المسئول عن تقسيم العرب إلى رجعي وتقدمي؟
من المسئول عن وضع كل ثري في قائمة الخيانة؟
من ومن ومن ومن؟
صحيح هو من بنى السد العالي وهو من أنشأ المصانع، وأصلح البنية التحتية وولد الكهرباء ومد السكك الحديدة وأمم القناة وهو من منحنا أملا في غد أفضل... ولكنه بالنهاية "فاشل" ولا شيء غير ذلك... رحمه الله... وإن كنت لا أسامحه أبدا في رقاب شهداء الوطن وأعلامه
:D
بص يا سيدى هى وجهات نظر واحنا مكناش عايشين فى نعيم الديمقراطيه قبل ما هو يجى عمل حاجات وحشه كتير بس مبدئيا مفيش حاجه اسمها زرع الاسوء يعنى مش معقول هنقول هو لو كان كويس الى بعديه كان هيبقى كويس وبعدين ياراجل بلاد عربيه ايه ده كان بينادى بقوميه عربيه وهو اتولى الحكم وكان عسكرى وعمل حاجات كتير حرام نشيله ذنب الى بعد كده هو ماصدرش قانون وقال فيه لازم الى يجى بعديا يكون عسكرى بص الاف بل وملاين يختلفو مع عبد الناصر وانت قولت بنفسك انك بتحترمه فى حاجات كتير اعتقد ان كلمه فاااااشل كبيره اوى على عبد الناصر صعب بعد كل الى عمله يبقى فاشل غلط اه اعتقل اه بس مكانش بحجم اعتقلات دلوقتى على فكره الراجل ده عاش عمره فى شقه فى منشية البكرى
واخيرا انا سعيد جدا بمشاركتك على الرغم من اختلافنا بعض النقاط واتفاقنا فى نقاط اخرى كثير بس انا هقولك على حاجه حاول تجيب جرنان الدستور العدد الاسبوعى بتاع يوم الاربع هتقرا حاجات كتير عن عبد الناصر وابراهيم عيسى مش ناصرى خالص بل وبينتقد عبد الناصر وبشده فى الكثير من النقاط بس لتوضيح بعض النقاط انا كنت ماشى معاك على طول الخط تقريبا لحد ماوصلنا لانه فاااشل ودى برضه وجهة نظرك ومنورنى دايما بمشاركتك وتعليقك لاثراء الحوار اه نسيت اقول حاجه انا اكتر حاجه بقا مضايقانى من عبد الناصر وضع كل ثرى فى دائرة الخيانه العاطل مع الباطل ده حاجه غلط جدا وانا كنت ضد انه ياخد من الناس ملكيتهم علشان يوزعها على ناس حتى لو كانو فقراء لان مش ذنب اى حد انه غنى علشان يتاخد فلوسه وكفايه كده بقا
:D
مش هنقضى اليوم كده ومش انا اول من كتبله قصيده نزار القبانى كتب
اه معلش نسيت اقولك على حاجه احنا وصلنا لمرحله اى حد حتى لو كان فيه حاجه قليله كويسه احنا بنحن اليه لاننا مش لاقين حاجه كويسه فده السبب ان احنا بنتكلم عنه بس يعنى
معلش لو كانت الكلمة قاسية، أكيد لو اتقالت على شخص أنا بحبه أنا هزعل... المهم بس أنا سعيد بسعة صدرك جدا
عذرا للتحليق خارج السرب ارجو منك التضامن معي في حمله نقطه ماء تساوي حياه
تحياتي
The purchase of weapons for Mubarak to the Bush terrorist will be for making peace, or will be for taking the American terrorism for the Egipto?
The great people of the Egipto that is intent.
Of these two cannot come nothing of good.
David Santos (Portuguese)
Post a Comment